NEU: Princips da la politica da la planisaziun dal territori
Il terren en Svizra è sut squitsch. Il basegn da surfatschas per abitar e lavurar sco er per infrastructuras da traffic vegn pli e pli grond, perquai che la populaziun crescha e daventa adina pli mobila e pervi da las pretensiuns territorialas da l’economia. La surfatscha da terren abità s’extenda d’in cuntin. Mintga secunda va a perder circa in meter quadrat surfatscha agricula.
- La finamira principala da la politica svizra da la planisaziun dal territori è l’utilisaziun persistenta dal terren.
- Concret duai vegnir surbajegià damain terren per schanegiar la cuntrada e per mantegnair l’attractivitad da la Svizra sco lieu d’abitar e da lavur.
- La Confederaziun persequitescha questa finamira sin basa da las disposiziuns legalas e cun agid da plans sectorials u dal Concept dal territori Svizra.
Lescha davart la planisaziun dal territori
La Confederaziun reagescha cun la Lescha davart la planisaziun dal territori sin il svilup actual. La lescha fraina il surdiever da terren, zonas da construcziun memia grondas vegnan redimensiunadas e las reservas da terren da construcziun existentas vegnan utilisadas meglier. Quai garantescha in svilup pli cumpact dals abitadis, schanegia la cuntrada e mantegna l’attractivitad da la Svizra sco lieu d’abitar e da lavur.
15.10.2025
Il Cussegl federal approva l’Ordinaziun revedida davart la planisaziun dal territori (en tudestg)
Concept dal territori Svizra
- Co e nua vulain nus abitar e lavurar en l’avegnir?
- Nua duai vegnir producida l’energia e nua duai circular il traffic?
- E nua datti spazi per la natira, la recreaziun e l’agricultura?
Il Concept dal territori Svizra è in rom d’orientaziun ed in agid da decisiun per il svilup futur dal territori da la Svizra. El è vegnì sviluppà da tut ils staglims statals communablamain ed actualisà fin l’onn 2026.
Pagina d’internet separada davart il Concept dal territori Svizra
Concept dal territori Svizra (pagina d’internet da l’Uffizi federal da svilup dal territori ARE)
Concepts e plans sectorials
Ils concepts ed ils plans sectorials tenor l’artitgel 13 da la Lescha davart la planisaziun dal territori (LPT) èn ils pli impurtants instruments da la planisaziun dal territori da la Confederaziun. Els permettan ad ella d’ademplir sia obligaziun da planisar e da coordinar las activitads che han in effect sin il territori. Ultra da quai gidan els la Confederaziun a schliar en moda adequata ils problems adina pli cumplexs che resultan en connex cun sias incumbensas che han in effect sin il territori.
Concepts e plans sectorials (pagina d’internet da l’Uffizi federal da svilup dal territori ARE)
Strategia dal terren Svizra
La Strategia dal terren Svizra ed il pachet da mesiras correspundent duain segirar en moda persistenta la resursa terren. Concret persequitescha la strategia las suandantas finamiras:
- utilisar damain terren
- proteger il terren d’effects nuschaivels
- reparar terren degradà
- meglierar la percepziun da la valur e da la vulnerabilitad dal terren
- rinforzar l’engaschament internaziunal
Strategia dal terren Svizra (pagina d’internet da l’Uffizi federal d'ambient UFAM)
Verkehr ’45
Mit dem Projekt «Verkehr ’45» sollen die Kapazitäten auf der Schiene erhöht, Engpässe auf der Nationalstrasse reduziert und Verkehrsprojekte in Agglomerationen gefördert werden.
Ulteriuras infurmaziuns
Cuntegn
FAQ
Contact
Chasa federala nord
3003 Bern