52 inscunters

En il decurs da ses onn presidial scuntra la presidenta da la Confederaziun Simonetta Sommaruga bleras persunas interessantas. Persunas cun ils giavischs ed ils basegns ils pli variads. Persunas da provegnientscha differenta e cun perspectivas diversas per l’avegnir. Persunas che na stattan normalmain betg en la publicitad. Qua èn ellas però en il center da l’attenziun: «Mintga emna dun jau a talas persunas la pussaivladad d’exprimer qua in desideri, ina speranza, lur punct da vista.»

Nicole Loeb
«La dimensiun da la crisa da corona è stada nunimaginabla. L'economia è vegnida indeblida fermamain. La populaziun è daventada malsegira. Jau giavisch che nus tirian conclusiuns or da las enconuschientschas da questa crisa e barattian quellas cun l'economia e cun la societad, per bainbaud puspè survegnir confidenza en noss sistem – che s'extenda dal simpel decurs dal di fin a la lantschada da projects gronds e cumplexs.»

Nicole Loeb, delegada dal cussegl d'administraziun da la Loeb Holding SA
Anne Challandes, presidenta da l'Uniun da las puras svizras
«Per las dunnas e per l'agricultura giavisch jau che nus emprendian insatge or da quest temp da crisa, che nus possian salvar ils aspects positivs e las experientschas per la societad e per il singul e che nus possian emplenir las largias e curreger las inegualitads e las cuntradicziuns ch'èn sa mussadas u vegnidas rinforzadas.»

Anne Challandes, presidenta da l'Uniun da las puras svizras

Ina survista da tut ils inscunters

https://www.uvek.admin.ch/content/uvek/rm/home/datec/simonetta-sommaruga/onn-presidial-2020/52-inscunters.paging-2.html