52 inscunters

En il decurs da ses onn presidial scuntra la presidenta da la Confederaziun Simonetta Sommaruga bleras persunas interessantas. Persunas cun ils giavischs ed ils basegns ils pli variads. Persunas da provegnientscha differenta e cun perspectivas diversas per l’avegnir. Persunas che na stattan normalmain betg en la publicitad. Qua èn ellas però en il center da l’attenziun: «Mintga emna dun jau a talas persunas la pussaivladad d’exprimer qua in desideri, ina speranza, lur punct da vista.»

Alexander Wyssmann, pianist da jazz e pedagog curativ tschorv, Scola per persunas tschorvas Zollikofen
«L'accident d'explosiun en il militar m'ha bittà or da la vita e m'ha sfurzà da chattar in'autra vita. Uschia hai jau chattà la musica en mai, ed jau sun daventà magister. Jau as giavisch che vus stoppias as decider e che vus scuntrias là vus sezs.»

Alexander Wyssmann, pianist da jazz e pedagog curativ tschorv, Scola per persunas tschorvas Zollikofen
Michela Lucchini Zobrist, manadra dal team «Occurrenzas» dal Bernerhof
«Il Bernerhof è in lieu en il center da Berna, nua che persunas sa scuntran. Persunas da tut il mund, da la politica, da l’economia, da la cultura, da las medias, dal sport. Jau vi ch’ellas sa sentian bain tar nus e sun gugent la persuna discreta che presta servetschs davosvart. Sche l’ambient constat, èsi simpel per ils giasts da sa barattar.»

Michela Lucchini Zobrist, manadra dal team «Occurrenzas» dal Bernerhof

Ina survista da tut ils inscunters

https://www.uvek.admin.ch/content/uvek/rm/home/uvek/bundesraetin-simonetta-sommaruga/praesidialjahr-2020/52-begegnungen.html