Ils suandants uffizis da traffic èn responsabels per realisar e per survegliar il traffic da viafier ed il traffic sin via, il traffic da transit tras las Alps e l'aviatica.
Infrastructuras da traffic modernas ed effizientas èn ina premissa elementara per in'auta qualitad da viver e per la prosperitad da la Svizra sco plazza economica.
La politica da traffic da la Svizra sto procurar che la rait da traffic funcziunia e sto tegnair quella sin in aut standard tecnic. Las pretensiuns da las generaziuns futuras envers la segirezza e la mobilitad ston vegnir percepidas a temp. Ils uffizis da traffic han las suandantas finamiras:
- Il traffic da viafier, il traffic sin via ed il traffic aviatic vegnan coordinads tranter la Confederaziun, ils chantuns e las aglomeraziuns.
- I vegnan sviluppadas infrastructuras da traffic «intelligentas», sco in management da traffic effizient u sco «smart roads».
- Las investiziuns ston vegnir fatgas a lunga vista ed en moda duraivla, per ch'il sistem da traffic restia effizient. Medemamain ston vegnir resguardads ils custs consecutivs.
- I dovra instruments da finanziaziun simpels e transparents che n'èn betg mo funtaunas da finanziaziun, mabain ch'èn er concepids sco impuls per in cumportament da traffic che correspunda als basegns dal martgà.
Sfidas
Las sfidas èn las suandantas:
- Eliminar stretgas da capacitad e procurar che la rait da traffic funcziunia.
- Integrar a temp la creschientscha da la populaziun, la stgarsezza da reservas da terren ed ils basegns da mobilitad da las generaziuns futuras.
- Impunder optimalmain ils stgars meds finanzials disponibels cun priorisar rigurusamain ils projects planisads.
- Renovar tras ina finanziaziun stabila e tras ina planisaziun en etappas las infrastructuras da traffic che daventan pli e pli veglias.
Links
Links interns
Externe Links
Parlament
Rechtsgrundlagen
-
Constituziun federala da la Confederaziun svizra5. partiziun: Ovras publicas e traffic
Contact
Secretariat general
Departament federal per ambient, traffic, energia e communicaziun DATEC
Chasa federala nord
CH-3003 Bern
- Tel.
- +41 58 462 55 11