Iniziativa «No Billag» (Iniziativa dal pievel «Gea per abolir las taxas da radio e televisiun»)

Schweizer Karte mit den Logos der SRG und den Logos von Lokalradios und Regionalfernsehen mit Gebührenanteil

Las votantas svizras ed ils votants svizzers han refusà ils 4 da mars 2018 l'iniziativa «No Billag» cun 71,6%. Quella ha vulì abolir la taxa da recepziun per radio e televisiun. Ultra da quai ha ella pretendì che la Confederaziun na subvenziuneschia naginas staziuns da radio e televisiun, na mainia nagins agens emetturs en temps da pasch ed ingiantia regularmain las concessiuns. Il Cussegl federal ed il parlament han recumandà da refusar l'iniziativa. Ils retgavs da la taxa da recepziun per radio e televisiun procuran che tut las regiuns linguisticas da la Svizra pon profitar d'ina rapportaziun cumplessiva en il radio ed en la televisiun. 

Dossier archivà: Il suandant dossier cuntegna ils documents ch'èn vegnids elavurads cun reguard a la votaziun (stadi dals 4 da mars 2018)

Per pussibilitar contribuziuns cumplessivas da la politica, da l'economia, da la cultura e dal sport en tut las regiuns linguisticas vegn incassada ina taxa da recepziun per radio e televisiun. Ses retgavs van a favur da la SSR sco er da radios locals e da televisiuns regiunalas che adempleschan ina incumbensa da service public. Cun quests daners pon els finanziar ina part da la producziun da lur emissiuns. En Svizra n'èsi betg pussaivel da finanziar mo cun reclama e cun sponsuradi programs per l'entir pajais da buna qualitad e che tractan cuntegns tematicamain vasts.

Ils arguments dal Cussegl federal

Il Cussegl federal refusa l'iniziativa, perquai ch'ella fa donn a la diversitad da las medias ed a la furmaziun da l'opiniun:

  • La SSR ed ils radios locals e las televisiuns regiunalas che vegnan finanziads tras la taxa porschan oz al public en tut las regiuns linguisticas ina vasta schelta d'emissiuns e laschan vegnir a pled differentas vuschs. Senza taxa vegniss questa purschida scursanida radicalmain.
  • L'iniziativa vul midar ad ina finanziaziun puramain commerziala da radio e televisiun. Ina gronda part da la purschida actuala na sa lascha però betg finanziar sulettamain al martgà.
  • L'iniziativa chaschunass uschia ina reducziun da la purschida ed ella smanatscha l'existenza da la SSR e da blers emetturs da radio e televisiun.
  • En las regiuns perifericas na datti ni in public grond avunda ni la reclama necessaria per producir las emissiuns ch'èn colliadas cun gronds custs fixs.
  • La dependenza da sponsurs privats e da concerns esters s'augmentass. Uschia creschiss er il privel che l'influenzament politic daventass pli ferm.
  • Cun s'orientar mo pli vi dal martgà prenda l'iniziativa en cumpra che la qualitad sa diminuescha e ch'i vegn producì mo quai che renda. Quai chaschuna in tagl radical.

Video

Infurmaziuns detagliadas tar la votaziun davart l'Iniziativa «No Billag» chattais Vus en tudestg, franzos e talian en noss dossier da votaziun.

Contact

Secretariat general
Departament federal per ambient, traffic, energia e communicaziun (DATEC)

Chasa federala nord
CH-3003 Bern

Tel.
+41 58 462 55 11

Ulteriurs contacts

Stampar il contact

https://www.uvek.admin.ch/content/uvek/rm/home/datec/abstimmungen/no-billag-initiative.html