Departament federal per ambient, traffic, energia e communicaziun

Chasa federala nord

En il Departament federal per ambient, traffic, energia e communicaziun (DATEC) s'engaschan passa 2500 persunas per il svilup duraivel e per il service public. La populaziun duai pudair sa fidar d'in provediment da basa solid cun ils principals servetschs publics. La Svizra en il center da l'Europa è dependenta da vias da traffic modernas sco er da raits da communicaziun e d'electricitad d'auta qualitad. Questas infrastructuras èn premissas impurtantas per la coesiun interna, per il contact e barat cun l'exteriur e per il prosperar da l'economia. Il DATEC garantescha er ch'ils basegns da l'ambient, da la sanadad e da la segirezza vegnian respectads.

La durabilitad è il princip central dal DATEC. La politica correspunda a quest princip sche nus pudain ademplir noss basegns dad oz senza limitar las schanzas da las generaziuns futuras. Il DATEC procura che las basas vitalas natiralas vegnian protegidas, ch'ils servetschs publics sajan effizients e ch'ils basegns da la populaziun vegnian respectads.

La concentraziun dals interess da diever e da protecziun en il medem departament dat er blers conflicts areguard las finamiras necessarias. Perquai ston questas decisiuns vegnir preparadas cun premura. En quest senn è la collavuraziun cun partenaris entaifer ed ordaifer l'administraziun federala da grond'impurtanza. Cun els elavurescha il DATEC soluziuns equilibradas che respectan ils interess da la societad, da l'ambient e da l'economia.

Contact

Adresse

Generalsekretariat UVEK

Bundeshaus Nord
3003 Bern

Tel.
+41 58 462 55 11

Generalsekretär

Yves Bichsel

E-Mail

info@gs-uvek.admin.ch

Weitere Ansprechpersonen

Generalsekretariat und Bundesämter

Standort

Loge Generalsekretariat UVEK: Lageplan

Stampar il contact

https://www.uvek.admin.ch/content/uvek/rm/home/datec/organisaziun/departament.html