Princips da la politica dal svilup dal territori

Fotografia ord l'aria d'in territori d'abitadi
© Sandstein / Wikipedia

Il terren svizzer vegn pli e pli stgars. La populaziun crescha cuntinuadamain e daventa adina pli mobila e l'economia ha adina pli grondas pretensiuns territorialas. La surfatscha d'abitar, da lavurar e la surfatscha per las infrastructuras da traffic daventan perquai pli e pli retschertgadas. Er la surfatscha da terren abità pro persuna augmenta anc adina. Mintga secunda va a perder in meter quadrat surfatscha dal terren agricul. Il svilup dal territori da la Svizra n'è pia betg uschè duraivel sco che la Constituziun federala pretenda.

Cun agid d'intginas mesiras da planisaziun dal territori vul la Confederaziun reagir - p.ex. cun la revisiun da la Lescha davart la planisaziun dal territori. Quella duai franar il surdiever dal territori e la speculaziun dal terren. Las zonas da construcziun memia grondas vegnan reducidas e las reservas dal terren da bajegiar vegnan duvradas pli bain. Quai garantescha in svilup d'abitadi pli cumpact, schanegia la cuntrada e mantegna attractiva la Svizra sco lieu d'abitar e da lavurar. En ina segunda revisiun vul ins occupar da la protecziun dal terren cultivà e d'ina meglra coordinaziun spaziala da las infrastructuras. Il rom directiv vegn mess cun il Concept dal territori per la Svizra che vegn elavurà da la Confederaziun, dals chantuns, da las citads e vischnancas.

Infurmaziuns detagliadas davart il svilup dal territori chattais Vus sin questa pagina d'internet en tudestg, en franzos u en talian

Contact

Secretariat general
Departament federal per ambient, traffic, energia e communicaziun DATEC

Chasa federala nord
CH-3003 Bern

Tel.
+41 58 462 55 11

Ulteriurs contacts

Stampar il contact

https://www.uvek.admin.ch/content/uvek/rm/home/svilup-dal-territori/politica-dal-svilup-dal-territori.html