Votaziuns
«200 francs bastan! (Iniziativa SSR)»
Ils 8 da mars 2026 ha il suveran svizzer refusà l'iniziativa SSR. Realisà vegn perquai uss il cuntraproject dal Cussegl federal che distgargia las persunas privatas e las interpresas a moda moderada.
Iniziativa «No Billag»
Las votantas svizras ed ils votants svizzers han refusà ils 4 da mars 2018 l'iniziativa «No Billag» cun 71,6%. Quella ha vulì abolir la taxa da recepziun per radio e televisiun. Ultra da quai ha ella pretendì che la Confederaziun na subvenziuneschia naginas staziuns da radio e televisiun, na mainia nagins agens emetturs en temps da pasch ed ingiantia regularmain las concessiuns. Il Cussegl federal ed il parlament han recumandà da refusar l'iniziativa. Ils retgavs da la taxa da recepziun per radio e televisiun procuran che tut las regiuns linguisticas da la Svizra pon profitar d'ina rapportaziun cumplessiva en il radio ed en la televisiun.
