Princips da la politica da traffic

Binaris cun in tren che entra en ina staziun. Suravia maina ina punt cun autos e cun camiuns.
© UFT

Las infrastructuras da traffic èn ils gnervs da l'economia e da la societad. Ellas èn impurtantas tant per la populaziun sco er per la Svizra sco plazza economica.

Las raits da viafier e da vias collian las differentas regiuns. En la Constituziun federala (chapitel 5) vegnan regladas las responsabladads per il traffic sin via e per il traffic da viafier, per il traffic da transit che traversa las Alps sco er per l'aviatica.

Ils suandants uffizis da traffic èn responsabels per la realisaziun e per la surveglianza:

La politica da traffic da la Svizra sto procurar che la rait da traffic funcziunia e sto tegnair quella sin in aut standard tecnic. Las pretensiuns da las generaziuns futuras envers la segirezza e la mobilitad ston vegnir percepidas a temp. Sa basond sin la strategia dal DATEC lavuran ils uffizis da traffic per las suandantas finamiras:

  • Il traffic sin via, il traffic da viafier ed il traffic aviatic vegnan coordinads tranter la Confederaziun, ils chantuns e las aglomeraziuns.
  • I vegnan sviluppadas infrastructuras da traffic "intelligentas", sco in management da traffic effizient u "smart roads".
  • Las investiziuns ston vegnir fatgas a lunga vista ed en moda duraivla, per ch'il sistem da traffic restia effizient. Da resguardar èn er ils custs consecutivs.
  • I dovra instruments da finanziaziun simpels e transparents che n'èn betg mo funtaunas da finanziaziun, mabain ch'èn er concepids sco impuls per in cumportament da traffic che correspunda als basegns dal martgà.

Sfidas

Las sfidas èn las suandantas:

  • Eliminar stretgas da capacitad e procurar che la rait da traffic funcziunia.
  • Integrar a temp la creschientscha da la populaziun, la stgarsezza da reservas da terren ed ils basegns da mobilitad da las generaziuns futuras.
  • Impunder optimalmain ils stgars meds finanzials disponibels cun priorisar rigurusamain ils projects planisads.
  • Renovar tras ina finanziaziun stabila e tras ina planisaziun en etappas las infrastructuras da traffic che daventan pli e pli veglias.
     

Infurmaziuns detagliadas davart il traffic chattais Vus sin questa pagina d'internet en tudestg, en franzos u en talian

Contact

Secretariat general
Departament federal per ambient, traffic, energia e communicaziun DATEC

Chasa federala nord
CH-3003 Bern

Tel.
+41 58 462 55 11

Ulteriurs contacts

Stampar il contact

https://www.uvek.admin.ch/content/uvek/rm/home/verkehr/verkehrspolitik.html